Де Брујне и Гвардиола за играчот кој фаќа залет во Сити: Има нешто посебно да му помогне на тимот

Манчестер Сити со победа ја заврши 2024 година, а со победи ја отвори 2025 и тоа против Вест Хем кој настрада на „Итихад“ со 4-1.

„Граѓаните“ делуваа посигурно, беа поефективни пред голот на противникот, нешто што им недостасуваше во изминатиов период. Играчот кој го одбележа мечот со „чеканите“дефинитивно беше младиот Савињо кој забележа две асистенции, а одигра и клучна улога при автоголот на Цуфал.

Бразилецот претходно беше одличен и против Лестер со гол и асистенции, а беше расположен за игра и против Евертон.

-Мислам дека главата му е чиста. Тој не размислува премногу во неговата глава. Кога сте многу години тука, играчите мислат дека заслужуваат нешто посебно за она што го направиле. Тоа е голема грешка. Мора да го докажувате тоа повторно и повторно. Савињо има се да триумфира и се докаже. Има многу да подобри, не е доволно агресивен без топка, но во моментов има нешто посебно да му помогне на тимот. Неговиот гол [против Лестер] беше среќен, но двете асистенции беа брилијантни. Многу сум среќен поради него, тој заслужува да игра, -рече Пеп Гвардиола.

-Имаше многу моменти каде што се снајде навистина добро. Мислам дека тој ја започна сезоната навистина добро, потоа очигледно со тоа што направивме малку помалку, му беше тешко, за еден млад играч. Во последно време се чини дека повторно најде самодоверба. Голот минатата недела може да помогне, а сега против Вест Хем имаше навистина добар настап, -истакна пак Кевин Де Брујне.