Де Брујн: Кога играм има двајца различни луѓе во мене, знам да бидам копиле!

Кевин Де Брујн е играч кој не е познат по својот темперамент и најдобар доказ за тоа се бројките на добиени жолти и црвени картони во кариерата, но и тој е човек и понекогаш знае да се исклучи и бурно да реагира.

Таква една ситуација имаше во 2017 година на дуелот против Наполи од Лигата на шампионите кога им се развика дури и на колегите Давид Силва и Фернандињо кои го тргаа на страна за да не направи глупост и добие црвен картон.

Токму на тој инцидент Кевин се потсети и воедно откри дека кога е на теренот тој е многу лут човек и знае да биде мало копиле.

-Видете јас сум лут човек на теренот. Мислам дека имаше нешто со судијата каде добив жолт картон и сакав да го прашам – зошто по ѓаволите ми дадо жолт картон? Можам да се тепам една минута. После една минута сум во ред, но во тоа време…

-Кога играм, внатре во мене, тоа се како две различни Кевини. На теренот, понекогаш сум и копиле, -вели Белгиецот.