Поврзете се со нас

Македонија

Давидовски освои нови ТЦР поени, Џиролами испушти победа на Спа

Објавено

на

Македонскиот автомобилист Виктор Давидовски викендов ги продолжи настапите во ТЦР Европа првенството, освојувајќи нови поени на патеката Спа во Белгија.

По триумфот на втората трка на „Пол Рикар“, Давидовски тргна од 15. место на денешната прва трка, а низ неа напредуваше до 11. место, кое му носи дополнителни 9 поени во поредокот.

Аудито на Давидовски и петта трка по ред е меѓу ТЦР натпреварувачите со освоени поени, со што во моментов е на деветтата позиција во генералниот пласман.

Неговиот тимски колега Франко Џиролами водеше од почеток до последниот круг на трката, но по една лоша проценка во свијок, Аргентинецот му овозможи на Исидро Калјехас да се најде на првото место, а потоа немаше ниту простор ниту време да си ја поврати позицијата.

Зад Калјехас и Џиролами се најде Џош Фајлс кој го комплетираше победничкиот пиедестал.

Утрешната втора трка се вози од 11:35 часот.

Реклама
Реклама
Реклама

Популарни