Поврзете се со нас

Македонија

Давидовски четврти, ќе стартува од вториот ред во втората трка

Објавено

на

Фото: ПСС рејсинг

Виктор Давидовски го стартуваше вториот гран при викенд од ТЦР Европа на уличната патека во По, Франција со освојување на петтото место во првата трка.

На ова претходеа нестабилни временски услови кои направија тренинзите да се возат по дождливо време, додека квалификациите потоа беа на сув асфалт. Возилата со кои настапуваат возачите од Comtoyou беа оптоварени со +40 килограми баласт поради двете победи остварени на првата две трки во Португалија, што се рефлектираше на нивните перформанси на тесната улична патека во По.

Давидовски беше седми на стартот, но дојде до петтата позиција, по што иако им се залепи на двајцата возачи пред него, не успеа да најде простор каде што би можел да ги помине. Во трката славеше Душан Борковиќ пред Кобе Паувелс, а победниците од првите две трки (Џон Филипи и Том Коронел) се најдоа зад Давидовски. Ајзак Смит на крајот беше трети пред Ерик Кајрол, но тој заработи пет секунди казна и на тој начин Давидовски беше промовиран на четвртото место.

Втората трка ќе ја донесе ротацијата на првите 10, па на тој начин Том Коронел ќе стартува од пол позицијата, пред Жулен Нугаре, додека во вториот ред ќе бидат Џон Филипи и Виктор Давидовски.

Снимка од првата трка и директен пренос од втората ќе бидат емитувани на Телевизија 24 со почеток во 13 часот (снимка), односно 14.20 часот (втора трка).

 

Реклама
Реклама
Реклама

Популарни