Давидович Фокина ја направи најголемата глупост на Вимблдон и го призна тоа со искрена изјава (Видео)

Холгер Руне и Алехандро Давидович Фокина играа четири часа на Вимблдон, за данскиот тенисер да биде подобар во тај-брејкот и да обезбеди место во следната рунда на престижниот грен-слем турнир.

Шпанецот презема најголем дел од вината за поразот поради несфатливиот потег при резултат 8:8 во тај-брејкот, кога реши да сервира „под рака“ и му овозможи на Руне да освои лесен поен.

Данецот подоцна на свој сервис стигна до поен за 10:8 и ја славеше големата и исцрпувачка победа со своите фанови, која има посебно значење и поради фактот што губеше со 8:5, по што освои пет поени во серија.

По мечот, Давидович Фокина бил искрен и признал дека се преплашил од ситуацијата во која се нашол.

– Мора да го прифатам тоа што се случи. Се „посрав“ од страв и не сакав да го играм тој поен, – рекол шпанскиот тенисер.

Davidovich Fokina explaining the underarm serve:

“I shit myself.”pic.twitter.com/fFrpSyQA6v

— Sam Street (@samstreetwrites) July 8, 2023