Дарвин со несфатливо промашување го шокираше Слот, Ливерпул освои само бод (Видео)

Ливерпул забави со победничкиот ритам и забележа второ реми во низа на гостувањата во Премиер лигата, што сега дава нова шанса за Арсенал дополнително да ја намали разликата на табелата во битката за титулата.

„Црвените“ освоија бод на „Вила Парк“ и можат да бидат задоволни од тоа со оглед на завршниот налет на гостите, но истовремено можат и да жалат поради нестварното промашување кое го имаше Дарвин Нуњез.

Ливерпул поведе на гостувањето во Бирмингем по големата грешка која кулминираше со гол на Салах, но Астон Вила не се откажа и успеа да направи пресврт со головите на Тилеманс и Воткинс.

Астон Вила се избори за предност до крајот на првиот дел, а потоа во вториот се реши да го брани водството, се до моментот кога прими гол.

Ливерпул израмни на 2:2 со среќниот гол на Трент Александер Арнолд, за потоа во 69-та да видиме и едно несфатливо промашување на Дарвин.

Ова беше најголемата шанса за Ливерпул да стигне до победнички гол, а такво нешто не искористи и Мален на спротивната страна во самата завршница.

Утката на Дарвин погледнете ја ТУКА