Данска рутински си ја заврши работата: Швајцарија со пораз ќе ја пречека Македонија

По вчерашанта победа на македонската репрезентација против Финска, денеска се одигра и вториот меч од нашата квалификациска група, во кој епилогот беше очекуван со оглед на тоа што Данска е апсолутен фаворит за освојување на првото место.

Данска на домашен терен лесно и рутински ја совлада Швајцарија со 31:26, натпревар во кој фаворизираните домаќини го контролираа темпото од почетокот до крајот на мечот.

На полувреме веќе имаа комотна предност од 14:8, а по одличната серија на стартот на вториот дел и водството од 21:13 стана јасно дека Швајцарија нема што да бара на овој натпервар.

До крајот, гостите се изборија само за почесен пораз во својот прв квалификациски меч, кој за нив беше загревање за она што следи во сабота.

Македонија во сабота ќе и гостува на Швајцарија во второто коло во групата, а победа на овој натпревар дефинитивно ќе биде голем исчекор кон пласман на уште едно континентално натпреварување.