Поврзете се со нас

Светски првенства

Данска го „сомле“ Бразил и се прошета до ново полуфинале на СП

Објавено

на

Данска ќе игра во четвртото полуфинале во низа на светските ракометни првенства, откако селекцијата на Николај Јакобсен доминантно и авторитативно го „сомле“ бразил во третото четвртфинале кое беше на програмата денеска.

Актуелниот светски првак во најголем дел од натпреварот не наиде на вистински предизвик од „кариоките“ кои беа најголемо изненадување на турнирот, па откако го скршија отпорот на стартот на вториот дел, до крајот се погрижија за преубедлива победа изрзена со двоцифрена разлика.

Данска имаше предност од седум гола и во првиот дел во кој сепак имаше мал пад во завршницата, па откако Бразил на полувреме дојде до минус три (15:12), се чинеше дека може да има малку поголема неизвесност.

Сепак, скандинавците имаа поинакви планови и го забрзаа темпото во вториот дел, а откако целосно ја коригираа играта во одбрана, Бразил едноставно немаше никаква шанса.

Данска до 45-та минута стигна до максимални плус 8 до таа фаза од мечот, за потоа да се зголемува предноста и натпреварот да заврши со 33:21.

Благодарение на своите извонредни одбрани, голманот Нилсен беше избран за играч на натпреварот, а во офанзива се истакнаа Гидсел, Јакобсен и Шмит со по шест погодоци.

Advertisement
Advertisement

Италија

Advertisement

Популарни