Поврзете се со нас

Светски првенства

Данска го доби скандинавското финале во Каиро и првпат ја одбрани титулата светски првак

Објавено

на

Ракометната репрезентација на Данска ја победи Шведска (26:24) во големото финале на Светското првенство во Египет и првпат во својата историја успеа да ја одбрани титулата светски шампион.

Данците загубија три пати во финалињата на СП, пред во 2019 година да ја освојат првата титула, а сега и да се задржат на тронот уште најмалку две години.

Двете скандинавски селекции го започнаа натпреварот најчесто во ситуација гол за гол, Данците први дојдоа до плус два, но Шведска имаше подобар финиш и стигна до 13:11. Сепак, противникот во последните напади успеа да се одбрани, а на спротивната страна израмни на 13:13, што беше резултат на полувреме.

Во вториот дел се повтори истата ситуација, но Ландин повторно се разбрани на данскиот гол, па актуелниот светски првак првпат се одлепи повеќе на 23:20, што беше најава за потежок финиш за шведската селекција.

Ландин не дозволуваше противникот да се приближи до израмнување, а решавачкиот момент беше на почетокот на 58. минута, кога данскиот голман му одбрани седмерец на Ване и тоа при резултат 25:23.

Во следниот напад Данска реализираше и ја најави големата победа над традиционалниот ривал и одбраната на светската титула и тоа со резултат 26:24.

Хансен со 6 и Нилсен со 5 голови беа најефикасни кај Данска, што заедно со фантастичниот Ландин беше доволно за победа, додека на спротивната страна Ване го заврши натпреварот со 5 погодоци.

Реклама
Реклама
Реклама

Популарни