Данките го добија скандинавското дерби и се закитија со бронза на ОИ

Женската ракометна репрезентација на Данска го доби скандинавското дерби и се закити со брозениот медал на Олимписките игри, откако ова попладне успеа да ја надигра Шведска во „малото финале“.

Натпреварите за третото место беа оние со кои стартуваа денешните возбудувања на Олимпијадата во Париз, па откако Србите освоија бронза во кошарка, Данките се оние кои се радуваат на ракометниот турнир.

Машката репрезентација на Данска ќе се бори за златниот медал во големото финале со Германија, а женската веќе може да се подготви за пат кон дома со бронзата на градите на ракометарките.

Данска диктираше темпо во текот на целиот меч и на крајот славеше со 30:25, а на полувреме резултатот беше 15:13.

Големото финале на женскиот турнир се игра денеска во 15:00 часот, а силите ќе ги одмерат селекциите на Франција и Норвешка.