Поврзете се со нас

Италија

Данило пред да го напушти Торино: Ова не беше мој избор

Објавено

на

foto: https://twitter.com/juventusfcen

Данило денеска го напушти Торино и се врати во родниот Бразил, каде очигледно ќе ја продолжи кариерата во редовите на Фламенго.

Досегашниот капитен на Јувентус договори раскинување на договорот половина година пред неговото истекување и можност да се пресели во друг клуб како слободен агент, но и тој и фановите ќе бидат незадоволни бидејќи не доби шанса ни да се збогува со навивачите на стадионот на „бјанконерите“.

Новинарите утринава го уловиле дефанзивецот на аеродром, па очекувано го прашале и како се чувствува поради начинот на кој ја заврши приказната во редовите на Јувентус.

– Преферивав да се збогувам со фановите на стадионот и да заминам поинаку, но ќе ги задржам само убавите спомени.

– Пет и пол години овде ме направија подобар фудбалер и човек, – рекол Данило, кој бил прашан и како е донесена одлуката за крај на соработката среде сезона.

– Не ме прашувајте мене, јас секогаш му бев на располагање на тимот. Сепак, не можам да влијаам на одлуките на тренерот и на клубот, ова не беше мој избор. Од друга страна, ова беше мојот најважен период во кариерата, Јувентус го промени мојот менталитет и можам да бидам благодарен за тоа.

– Добивав многу позитивна енергија од фановите. За мене, тие се Јувентус, а не фудбалерите или менаџерите, – истакнал Данило.

Advertisement
Advertisement

Италија

Advertisement

Популарни