Данило испрати проштална порака до фановите на Јувентус

Јувентус досега официјално не потврдил дека капитенот Данило ќе се пресели во Наполи, но сите досегашни информации и сигнали водат кон таков заклучок.

Она што е сигурно е дека Бразилецот беше на излезна врата од торинскиот клуб, шест месеци пред да му истече договорот, а и дека Наполи е заинтересиран за искусниот дефанзивец.

Дополнителна потврда за насоката во која се движи неговата кариера е и фактот што Јувентус не го повика Данило за настап на Супер куп мини турнирот, кој во првата недела од новата година ќе се одржува во Саудиска Арабија.

Денеска, самиот Данило испрати порака преку социјалните мрежи и фановите се убедени дека се работи за простување со „црно-белата“ фамилија и му испраќаат коментари со поддршка и благодарност за она што го правеше за Јувентус изминатите сезони.

Бразилецот со првата фотографија најавија рестарт и рефокус, а со втората се потпиша на поздравот до фановите на неговиот досегашен клуб.

Danilo on Instagram👀 pic.twitter.com/atx0oAkosD

— Bianconeri Zone (@BianconeriZone) December 31, 2024