Поврзете се со нас

Шпанија

Дани Алвес: Чудно е да се види какви работи направи Барселона ова лето

Објавено

на

Foto:instagram.com/danialves

Дани Алвес се враќа на „Камп Ноу“ со друг клуб, но единствено нешто што не му се допаѓа од овој излет е бојата на дресот кој ќе го носи задутре во пријателскиот меч.

Бразилецот потпиша за Пумас минатиот месец и судбината посака еден од првите натпревари да му биде против Барселона, клубот кој на крајот реши сепак да не му го продолжува договорот и да се откаже од него.

Алвес без зла крв се враќа во својот сакан клуб и потенцира дека најмногу ќе го нервира тоа што ќе игра со бел дрес на „Камп Ноу“, но како повратник на добро познато место, реши да ги коментира и лудите акции кои ги презема Барса на трансфер пазарот.

Во неговата прва етапа во клубот, Барселона премногу се потпираше на природниот талент и играчите од Ла Масија, нешто што се промени и во Каталонија во ова модерно време на фудбалот во кое се трошат огромни средства.

– Чудно е да се види какви се работи направи Барселона на трансфер пазарот.

– Но, тоа е реалноста, се адаптираше на трансфер пазарот во модерниот фудбал, кој во најмала рака е луд. Барселона сега го прави истото што го прават и другите клубови. Најважно е да не ја напуштат својата филозофија, бидејќи со таа филозофија станаа најголеми, – вели Дани Алвес.

Реклама
Реклама
Реклама

Популарни