Поврзете се со нас

Лига Европа

Дало и Мејну обезбедија осминафинале за Јунајтед, познати сите патници во баражот во ЛЕ

Објавено

на

Foto:x.com/ManUtd

Манчестер Јунајтед оваа вечер и математички го обезбеди пласманот во осминафинето во Лигата на Европа, а со остварената победа, си загарантира и подобра позиција пред ждрепката.

„Црвените ѓаволи“ успеаја да го скршат отпорот на ФЦСБ во Букурешт во второто полувреме, период во кој по еднаш стрелаа Диого Дали и Коби Мејну.

Младиот играч за врска најпрво беше асистент за првиот гол кој го постигна дефанзивецот, за потоа да погоди по асистенција на Гарначо за 0:2.

Со освоените три бода, Јунајтед на крајот заврши на третото место во првата фаза во Лига Европа, зад Лацио и Атлетик Билбао кои се на првите две позиции.

Покрај овие три тима, директен пласман во осминафиналето обезбедија уште Тотенхем, Ајнтрахт Франкфурт, Лион, Олимпијакос и Ренџерс.

Вечерва се дозна и кои тимови се пласираа од 9-то до 24-то место, па дел од баражот за пласман во осминафинале ќе бидат Бодо/Глимт, Андерлехт, ФЦСБ, Ајакс, Реал Сосиедад, Галатасарај, Рома, Виторија Плзен, Ференцварош, Порто, АЗ Алкмар, Митјиленд, Ројал Унион, ПАОК, Твете и Фенербахче.

Advertisement
Advertisement

Италија

Advertisement

Популарни