Дало ги предупреди „исклучените“ Рашфорд и Гарначо: Аморим испрати јасна порака од првиот ден

Рубен Аморим реши да ги „исклучи“ Маркус Рашфорд и Алехандро Гарначо од големото градско дерби кое се играше во неделата, односно не ги повика за натпреварот против Сити и ги остави дома.

Оваа одлука на новиот менаџер на Јунајтед предизвика многу реакции во англиската јавност, но се почести се коментарите за поддршката на Португалецот, особено што оваа епизода треба да послужи како добра лекција за двајцата крилни фудбалери кои не се во посакувана форма.

Аморим по големата победа од 1:2 им нагласи на двајцата дека ќе треба да се борат за своето место во тимот, а сега се јави и нивен соиграч за да ја искоментира ситуацијата.

– Ако сте подготвени да се жртвувате и да страдате, тогаш сите се добри за овој тим. Ако не го правите тоа, нема да има место за вас во тимот.

– Тоа важи за сите работи во животот, не само за фудбалот. Ако сакате да бидете успешни, мора да работите напорно и да страдате. Пораката од Аморим одеше во овој контекст уште од стартот и не можеше да биде појасна, – потенцира Диoго Дало.