Далиќ: Тешко е постојано да произведуваме нови играчи

Селекцијата на Хрватска не се прослави на првата квалификациска средба против Велс на која имаше победа се до судиското продолжение во кое дозволи да прими лесен гол и на тој начин да загуби два бода.

Сега пред Хрватите е нов предизвик, битка со Турција на нивен терен во Бурса.

-Не очекувам еднонасочен натпревар како на „Пољуд“, треба да бидеме многу внимателни. Натпреварот ќе биде тежок затоа што Турците се секако подобри од Велс, -истакна селекторот Златко Далиќ кој смета дека Хрватска има потенцијал, но и дека не е лесно постојано да се вадат играчи.

-Хрватска има потенцијал, но тешко е постојано да се произведуваат нови играчи. Ние сме 3,5 милиони, а Турците 85 милиони. Бурса има три милиони жители, а Хрватска е 3,5. И ние сме втори и трети на светот, -порача Далиќ.

Средбата Турција-Хрватска се игра утре од 20:45 часот.