Далас се посрамоти за сите пари на првиот натпревар без маестро Лука (Видео)

Далас го одигра првиот натпревар по комплетираниот премин на Лука Дончиќ во редовите на Лос Анџелес Лејкерс, а додека цела Америка зборуваше и пишуваше за фамозниот трејд, неговите досегашни соиграчи мораа да излезат на паркетот.

Маверикси се посрамотија за сите пари на гостувањето кај Кливленд и примија дури 91 поен во првото полувреме, по кое беше јасно дека ќе претрпат тежок пораз.

Кавалирси си поигруваа со гостинскиот тим и на полувреме имаа предност од 45 поени разлика (91:46), па вториот дел беше чиста рутина за домаќините.

Кливленд победи со 144:101 и му го нанесе првиот тежок пораз на Далас пост-ерата Дончиќ, со тоа што мора да се напомене дека дел од натпреварот не беше и Кајри Ирвинг поради повреда.

На останатите два меча кои се одиграа во НБА рано утрово, Бостон ја победи Филаделфија со 118:110, а Мемфис беше подобар од Милвоки со 132:119.