Поврзете се со нас

НБА

Далас испушти плус 19, Кари ги прати Дончиќ и соиграчите на спиење (Видео)

Објавено

на

Foto:twitter.com/warriors

Далас има за што да жали на вториот натпревар кој го одигра во Сан Франциско, бидејќи отвори многу подобро, доминираше во првите две четвртини и дојде до позитива од плус 19, но потоа му дозволи на противникот да се врати во игра кога најмалку се очекуваше.

Дрејмонд Грин направи петта лична во третиот период и беше изваден од игра, но како неочекуван херој се покажа токму играчот кој го замени. Луни влезе во игра и доминираше во одбрана и во напад, односно ги разбуди Стеф Кари и пријателите кои режираа извонреден пресврт во продолжение.

Со Луни на теренот, Голден Стејт направи серија од 34:15 и се врати во игра на стартот на последната четвртина, во која расположените домаќини ја намирисаа крвта и веќе не им дадоа шанси на Маверикси.

Лука Дончиќ блескаше со 42 поени, пет тројки и осум асистенции, но не погоди важна тројка за враќање на минус четири во последната минута, по што следеше клучна тројка на Кари и потврда на победата од 126:117.

Еден од најдобрите шутери на сите времиња погоди во свој препознатлив стил и со тројката ги прати гостите на спиење. На овој начин, Голден Стејт поведе во финалната серија на Западот со 2:0, па сега ќе следат два натпревари во Далас, каде Дончиќ и соиграчите ќе мора да реагираат.

Кари го заврши мечот со 32 поени, Пул постигна 23, а неочекуваниот херој Луни уфрли 21.

Реклама
Реклама
Реклама

Популарни