Далас дојде до еден од најдобрите тројкаши во НБА лигата, Дончиќ доби и ново европско друштво

Екипата на Далас Маверикс повлече потег на трансфер пазарот во НБА лигата, односно успеа да дојде до потписот на еден од најдобрите шутери, тројкаши во шампионатот Џеј-Џеј Редик.

Далас и Њу Орлеанс направија трејд при кој во Тексас освен Редик беше испратен и Италијанецот Николо Мели што значи дека се зголемува европското друштво во Маверикс со оглед на тоа што тука се Дончиќ, Порзингис, Клебер и Марјановиќ.

Од друга страна пак „пеликаните“ во оваа размена ги добија Џејмс Џонсон и Вес Ивунду како и втор пик на драфтот во 2021 година.

Маверикс во моментов е на 7. место во Западот, Њу Орлеанс пак ја држи 11 позиција.