Даде ветување: Фонсека ќе ги награди новинарите ако Милан…

Милан во саботата дојде до првата сезонска победа и тоа против Венеција (4-0), но тоа е веќе заборавено затоа што екипата ја очекуваат неколку тешки предизвици во низа.

Оваа седмица за „росонерите“ е пеколна затоа што прво ќе ги одмерат силите со Ливерпул на отварањето на новата кампања во Лигата на шампионите, а потоа ќе се соочат и со Интер во дерби битката во Серија А.

-Дали ќе има ротации? Истите играчи можат да играат, но можам да ја разгледам и можноста за промена. Имаме три натпревари оваа недела и мора да размислуваме за сите натпревари. Утре е најважниот затоа што е следен, но не можам да заборавам дека ќе играме дерби на наредниот меч во Серија А, -рече тренерот Пауло Фонсека кој ветува специјална награда, португалски десерт за новинарите ако Милан ги добие двата престојни натпревари.

-Ако ги довиеме двата натпревари, ветувам дека ќе ви донесам пастел де ната на прес-конференција, -порача Португалецот.