Цветаноски со прв гол во дресот на Железничар (ВИДЕО)

Македонскиот интернационалец, Матеј Цветаноски го постигна првиот гол во дресот на Железничар и тоа во првенството на Босна и Херцеговина.

Железничар пред своите гледачи го потврди статусот на фаворит и славеше над Игман со 3-1, средба во која третиот гол беше дело на Цветаноски во 59 минута.

Матеј се најде на вистинското место и ги матираше гостите за водство од 3-0 во тие моменти, во преостанатиот дел гостите дадоа почесен погодок.

Македонецот беше активен до 69 минута, додека вториот наш адут Мартин Мирчевски доби шанса од клупата во 87 минута.

Клубот од Сараево има освоено шест бода по три кола во шампионатот.