„Црвено-црните“ имаат нов тренер: Вардар го именуваше наследникот на Васоски

Екипата на Вардар ќе влезе со нов тренер во вториот дел во оваа сезона или поточно во 2024 година, вест која официјално беше потврдена пред некое време со разделбата со Александар Васоски.

Во меѓувреме Васоски го прифати повикот од Кратово и седна на клупата на Силекс од која пак по завршувањето на првата етапа во домашниот шампионат си заминат Горазд Михајлов. Токму Горазд пак доаѓа на испразнетото место во „црвено-црниот“ табор, информација која денеска ја потврди најтрофејниот македонски клуб.

Михајлов е еден од најценетите стратези на домашната сцена, стручњак кој ќе се обиде да му обезбеди опстанок на Вардар во ПМФЛ.

Тој освен во Македонија има работено и во Исланд, Црна Гора, Саудиска Арабија и Обединетите Арапски Емирати.