„Црвената фурија“ е златна по 32 години: Шпанија ја „нокаутираше“ Франција во лудиот меч во Париз (ВИДЕО)

Селекцијата на Шпанија е победник на олимпискиот турнир во фудбал и тоа откако во завршниот меч во Париз беше подобра од домаќинот Франција.

Французите и Шпанците одиграа луд натпревар на „Паркот на принцовите“,  натпревар кој донесе осум голови и кој беше решен по дополнителните 30 минути.

Домаќините го зададоа првиот удар по грешката на голманот Тенас, но расположениот Лопез со два гола и Баена со мајсторија од слободен удар донесоа водство за „црвената фурија“ од 3-1 по првото полувреме.

Меѓутоа „триколорите“ се вратија во второто полувреме и дојдоа до 3-3 со гол од пенал на Матета во 93 минута.

Сепак Шпанците го имаа последниот збор и со двата гола на Камелјо во 100 и 121 минута дојдоа до славје од 5-3 и прво фудбалско злато по пауза од 32 години од генерацијата на Енрике, Гвардиола, Амависка, Кањизарес…

Само за потсетување вчера Мароко го разби Египет во борбата за бронзениот медал.

Каков проектил: Хакими со страшен погодок ја завери бронзата за Мароко (ВИДЕО)