Црвена Звезда реши да се потсмева со Реал откако постигна два гола против Барселона (Видео)

Црвена Звезда загуби на уште еден натпревар во Лигата на шампиони и остана без освоен бод по четири одиграни кола, нешто што можеше да се насети уште по извлечената ждрепка.

Српскиот првак доби навистина тешки противници и настрада во пресметките со Интер, Монако и Барселона, но мала утеха за „црвено-белите“ е тоа што постигнаа два гола во мрежата на каталонскиот гигант.

Звезда на моменти добро парираше и успеа да постигне два гола против разиграната Барселона, па по поразот од 2:5 се осоколи да му фаќа сеир на Реал Мадрид.

„Кралевите“ примија четири гола на домашен терен и не постигнаа ниту еден против Барса на „Ел Класико“, па Звезда преку официјалниот „Икс“ профил го долови тоа со легендарна сцена од филмот „Маратонците го трчаат последниот круг“.

– Здраво Реал Мадрид, ние можеби загубивме, но барем постигнавме два гола.

Hi @realmadrid, we may have lost, but we scored two goals. 👋

🔴⚪️ #fkcz pic.twitter.com/QXG3xEizAS

— FK Crvena zvezda (@crvenazvezdafk) November 7, 2024