Црвена Звезда потврди, го повлекува од употреба бројот на легендарниот Џајиќ

Управниот одбор на Црвена Звезда денеска и официјално ја потврди одлуката според која од следната сезона од употреба ќе биде повлечен дресот со број 11.

Потегот се прави во чест на клупската легенда Драган Џајиќ, еден од најдобрите фудбалери во историјата во екс-ју регионот, а подоцна и успешен претседател на српскиот клуб.

– Нема зборови со кои би можел да се заблагодарам за чинот на повлекување на дресот со број 11. Кога ќе поминете 60 години во Звезда и потоа ќе добиете вакво признание, мора да бидете среќни и задоволни, – изјавил емотивниот Џајиќ.

Ова е трет број кој веќе нема да може да се користи од фудбалерите на поранешниот европски шампион, по тој со број 12 кој е повлечен во чест на навивачите и бројот 26 повлечен во чест на трагично починатиот Горан Гогиќ.

Осман Букари кој сезонава го носи дресот со број 11 ќе биде негов последен сопственик, а од следната сезона ќе мора да си избере друг број.