Црвена Звезда ги изнасмеа фановите со утринскиот поздрав по победата над Штутгарт (Видео)

Убедливата победа на Црвена Звезда над Штутгарт во Лигата на шампионите донесе голема радост за фановите на српскиот шампион и значи први бодови за „црвено-белите“ во актуелната главна фаза на елитното европско натпреварување.

Белградскиот клуб ја продолжи својата традиција и за користење на профилите на социјалните мрежи за одбележување на актуелните случувања на фудбалската сцена, а утринава очекувано главната тема била победата над Штутгарт.

Утринскиот поздрав до фановите стана вирален во овој регион, затоа што во него е искористена сцена со легендарниот Павле Вујисиќ од култниот филм „Ко то тамо пева“.

Dobro jutro, zvezdaši! 😎

🔴⚪️ #fkcz pic.twitter.com/w3F8kIcWfl

— FK Crvena zvezda (@crvenazvezdafk) November 28, 2024

Починатиот Вуисиќ беше познат како голем „звездаш“, а клубот го надополни видеото само со едноставно „Добро утро, звездаши“.