Црвен картон за Белингам, иронични насмевки на Анчелоти и нов кикс за Реал во Ла Лига (Видео)

Реал Мадрид нема по добро да го памети гостувањето на „Ел Садар“ ова попладне, не  поради непосакуваниот резултат, туку пред се поради арбитражата на Хосе Мунуера.

Главниот арбитар успеа да ги доведе до лудило преставниците од шпанската престолнина и покрај водството кое го имаше фаворитот, бидејќи избраниците на Карло Анчелоти протестираа за три недосудени пенали во првиот дел, пред да гледаат како Џуд Белингам добива исклучување поради протести.

Англичанецот беше испратен на предвремено туширање после еден разговор со Мунуера, па така лошите вести за Реал навистина се насобраа откако претходно Винисиус не реализираше и две стопроцентни шанси за 0:2.

Тоа направи на полувреме да се замине со резутлат 0:1 кој беше активен благодарение на голот на Мбапе, но тоа брзо се промени на стартот на вториот дел.

Продолжението донесе уште еден шок за Анчелоти и неговите фудбалери, бидејќи по една ВАР проверка, Мунуера покажа на белата точка за старт кој го направи Камавинга.

Будимир ја презема одговорноста и Осасуна со играч повеќе на теренот стигна до 1:1, а сето тоа беше проследено со кисела и иронична насмевка на искусниот Анчелоти, кој исто така доби опомена со жолт картон во првиот дел.

До крајот, резултатот не се менуваше и покрај две добри шанси кои ги имаше Мбапе, па сега Реал е во низа од три натпревари без победа во шпанската Ла Лига.

Видеото погледнете го ТУКА