Црногорецот Ласица доби казна од ЕХФ за плукањето на македонските навивачи (ВИДЕО)

Репрезентативецот на Црна Гора, Марко Ласица заработи казна од Европската ракометна федерација за неговиот потег по натпреварот со Македонија на Европското првенство.

Десното крило влезе во конфликт со дел од нашите навивачи и во еден момент се „исклучи“ и ја плукна „фалангата“. Мораше да реагира обезбедувањето за да не настане поголем инцидент, а Ласица за оваа глупост е санкциониран со 5000 евра.

Според ЕХФ ваквото однесување е недозволиво,  штетно за имиџот на ракометот и нема да се толерира. На крајот треба да се додаде дека Марко сега ќе плати само 3000 евра, додека останатата сума ќе зависи од тоа дали ќе направи нешто слично во наредните две години.