Поврзете се со нас

Германија

Цорк призна: Борусија планира да го откупи фудбалерот кој го продаде пред две години

Објавено

на

blank

Михаел Цорк како спортски директор на Борусија Дортмунд јасно им порача на европските великани дека клубот не размислува да го ослободи Ерлинг Халанд, без оглед на индиректните притисоци кои ги прави и неговиот агент Мино Раиола.

Познатиот италијански агент привлече огромно внимание со изјавата дека само десет клуба во овој момент можат да си го дозволат вонсерискиот норвешки вундеркинд, но во ситуација кога „милионерите“ не размислуваат на негова продажба, спортскиот директор откри дека будно се следи и еден играч кој беше продаден пред две години.

Александер Исак беше продаден на Реал Сосиедад во 2019-та година и талентираниот напаѓач почна да воодушевува со своите партии во Примера, а бидејќи претстојново лето е последново кое Борусија може да ја активира откупната клаузула од 30 милиони евра за враќање на фудбалерот, Цорк даде свој коментар на оваа тема.

Директорот на Борусија вели дека сите во клубот се свесни за прогресот кој го има 21-годишниот напаѓач во последно време, а истовремено, германските медиуми најавуваат дека токму тој може да биде замена за Ерлинг Халанд.

– Сите ние сметаме дека Исак направи вистински чекор со тоа што отиде во Реал Сосиедад, што стана дел од тимот од Сан Себастијан. На почетокот, тој импресионираше како играч од клупа, постигнуваше голови, но сега е стандарден стартер и секако дека го следиме неговиот прогрес. Ги гледаме сите негови настапи, но исто така сме среќни што го имаме Халанд, – изјави Цорк.

Реклама
Реклама
Реклама

Популарни