Цонга: Надал никогаш нема да признае, но сите знаеме зошто загуби од Содерлинг

Рафаел Надал има нестварен биланс на победи и порази на Френч Опен и неслучајно важи за асполутен крал на Ролан Гарос, турнир на кој Шпанецот има остварено дури 86 триумфи и само 2 неуспеси.

Едниот пораз е од пресметка со Новак Ѓоковиќ, но дефинитивно најголем потрес предизвика поразот кој пристигна во 2009-та година кога Рафа беше шокиран од Робин Содерлинг.

Швеѓанецот тогаш го вчудоневиди цел спортски свет и со фантастичното издание му го нанесе првиот пораз на Надал на неговиот омилен турнир, а добро познато е дека Содерлинг подоцна беше поразен во финалето од Рожер Федерер кој со триумфот ги обедини сите четири грен-слем турнири.

По тој меч во осминафиналето, Надал спортски му честиташе на противникот и истакна дека едноставно бил подобар на теренот, но 11 години подоцна, Жо Вилфред Цонга открива дека сите ја знаат вистинската причина за поразот, а истата Рафа никогаш нема да ја признае.

– Рафа никогаш нема да зборува за тоа и нема да го признае. Но, кога загуби од Содерлинг, сите ние (тенисерите) знаевме дека е болен. Имаше ангина и не се чувствуваше воопшто добро. Сепак, тој никогаш нема да ви го признае тоа, – вели Цонга.