Цофениг победи за водство на „Четири скокалници“, Хајбек постави нов рекорд во Гармиш (Видео)

Австрискиот ски-скокач Даниел Цофениг победи на втората етапа од натпреварот „Четири скокалници“, а триумфот на скокалницата во Гармиш-Партенкирхен му донесе водство и во генералниот пласман.

22-годишниот Цофениг имаше скокови од 141,5 и 143 метри, со што заслужено победи на германската скокалница, а зад себе го остави Грегор Дешванден.

Швајцарецот не дозволи австриски пиедестал како во Оберздорф, но Михаел Хајбeк со третото место се погрижи да има барем двајца Австријци во Топ 3 во Гармиш.

Токму Хајбeк заработи и дополнителни комплименти, поради скокот од 145 метри, со кој постави нов апсолутен рекорд во Гармиш.

Тие доминираат и во генералниот пласман, каде Цофениг сега води пред Јан Херл и Штефан Крафт, кој е на третото место најмногу поради победата во Оберздорф.

Следниот натпревар од новогодишната турнеја ќе се одржи на 4. јануари во Инсбрук.

🤯 𝐎𝐇 𝐋𝐄 𝐒𝐀𝐔𝐓 𝐃𝐈𝐍𝐆𝐔𝐈𝐒𝐒𝐈𝐌𝐄 !

Michaël Hayboeck établit un nouveau record à Garsmisch Partenkirchen avec un bond exceptionnel à 145 mètres !#ChaletClub #4hills pic.twitter.com/XAdFIrD5IC

— Eurosport France (@Eurosport_FR) January 1, 2025