Чурлинов имаше обид за атракција во Севилја, Бетис ја оправда фаворитската улога (Видео)

Дарко Чурлинов ги одигра сите 90 минути на натпреварот кој го одигра Јагиелонија во Севилја, но неговиот тим сепак не успеа да избегне пораз на тешкото гостување во Шпанија против тимот кој игра во извонредна форма во последно време.

Бетис ја оправда фаворитската улога на „Бенито Вилјамарин“ и направи разлика со погодоците на Бакамбу и Родригес во првото полувреме, период во кој можевме да видиме и еден обид за атракцијата на македонскиот репрезентативец.

Чурлинов имаше обид за спектакуларен гол и успеа да изведе „ножички“, но неговиот удар заврши во добро поставениот Виетес на голот на Бетис.

Во вториот дел, гостите од Полска успеаја да го сочуваат својот гол и не дозволија потежок пораз, па сега ќе бркаат два гола негатива на реваншот кој се игра за седум дена.

На остнатите натпревари во Конференциската лига, Фиорентина славеше на гостувањето кај Целје со 1:2, Рапид како гостин беше подобар од Џургарден со 0:1, а во воведниот термин, Челси славеше со 0:3 на гостувањето кај Легија.

Обидот на Чурлинов погледнете го ТУКА

Головите на Бетис погледнете ги ТУКА