Чурлинов и Јагелонија слават четвртфинале во Конференциската лига, крај на бајката на Николов и Шишковски со Борац Бања Лука (ВИДЕО)

Јагелонија на Дарко Чурлинов слави пласман во четвртфинале во Конференциската лига на УЕФА иако вечерва загуби во Белгија кај Серкл Бриж.

Домаќинот славеше со 2-0, меѓутоа поразот од првиот меч од 3-0 значеше дека Даре и компанија одат во наредната фаза ќе играат со подобриот од Виторија Гимареш-Бетис. (ТУКА можете да ги погледнете головите)

Македонскиот репрезентативец Чурлинов беше активен од 58 минута на дуелот во Бриж.

Заврши пак бајката, европската приказна за Бобан Николов и Дамјан Шишковски со Борац Бања Лука. Претставникот на Босна и Херцеговина по еден исцрпувачки дуел падна во Виена кај Рапид и тоа по продолженијата.

По 90 минути резултатот беше идентичен како на првото соочување (1-1), па се играше дополнителен „период“ во кој домаќините погодија во 96 минута за славје од 2-1.

Николов играше од 74 минута и заработи жолт картон. (ТУКА можете да ги видите погодоците)