Чупиќ уште еднаш во бесно издание на тајм-аутот на Вардар: Пи*ки едни… (Видео)

Екипата на Вардар не можеше да парира во текот на сите 60 минути против јасниот фаворит Кјелце и го загуби вчерашниот натпревар во „Јане Сандански“ со 33:29.

„Црвено црните“ одреден период од средбата беа во егал, меѓутоа за да продолжат така и да влезат во неизвесен финиш пред нив се испречи голманот на полскиот тим, Андреас Волф.

Волф одбрани голем дел од ударите на вардаровите играчи, а токму тој беше причината Иван Чупиќ да збесне при еден тајм-аут на Стевче Алушовски.

Хрватскиот ракометар во свој стил и без влакна на јазикот ги нарече своите соиграчи пи*ки затоа што шутираат само долу каде Волф одлично брани со нога.

– Дали некој ќе шутне високо? Пи*ки едни, само долу шутирате, -бесно им викаше Иван Чупиќ кој беше најдобриот поединец на Вардар на оваа средба.