Чудно коло во Серија А, дури четворица тренери суспендирани за следните натпревари

Зад нас е едно помалку чудно коло во италијанскиот шампионат во кое санкции добија неколку тренери на најдобрите клубови на Чизмата.

Јасно е дека во Серија А оваа година ќе се води најизрамнета борба за Скудетото, па оттука доаѓаат и изливите на бунт кај тренерите кои не се задоволни со некои судиски одлуки.

Така, Жозе Мурињо, Лучијано Спалети, Симоне Инзаги и Џан Пјеро Гасперини нема да може да седат на своите клупи за десеттото коло од Серија А откако сите четворица заработија црвени картони викенд колото во италијанскиот шампионат.

Мурињо беше исклучен на натпреварот помеѓу Рома и Наполи кога упати остри зборови кон судиите на мечот. На истиот натпревар, но по последниот судиски свиреж црвен картон доби и колегата од спротивната страна, Лучијано Спалети кој иронично им аплаудираше на судиите, па си доби очекувана санкција.

Симоне Инѕаги и Џан Пјеро Гасперини исто така не можеа да се контролираат крај аут линијата, па и тие ќе го пропуштат десеттото коло кое ќе го следат од трибините.

Ова е навистина ретка ситуација во италијанскиот фудбал затоа што речиси никогаш не се случило четворица тренери на клубовите кои се борат за врвот да добијат суспензија во колото. коло.