Чудесно прво полувреме во Копенхаген: Четири гола, два прекини и црвен картон за Рашфорд (Видео)

Првото полувреме на „Паркен“ беше продолжено 13 минути и беше едно од најлудите во Лигата на шампионите во последно време, бидејќи се што градеа гостите добри 40 минути, на крајот упрскаа во период од 10.

Манчестер Јунајтед поведе со 0:2 со двата погодоци на Расмус Хојлунд, гостите имаа прилика преку истиот играч и за предност од 0:3, но кога не се случи тоа, дојде до шокантен и чудесен крај на првиот дел.

Судијата покажа 13 минути продолжение поради двата прекини (медицинска помош на трибини) и натрапникот кој влезе на теренот, но и поради црвениот картон кој го заработи невнимателниот Маркус Рашфорд.

Напаѓачот заработи директно исклучување поради невнимателен и опасен старт во 42-та минута, а иако теренот го напушти со иронична насмевка, до крајот воопшто не им беше до смеење на гостите.

Копенхаген постигна два гола за 2:2 во 45-та и 49-та минута, па сега гостите ги чека пеколно второ полувреме на гостувањето во Данска.

🚨🚨| RED CARD: MARCUS RASHFORD IS SENT OFF!! MANCHESTER UNITED ARE DOWN TO 10 MEN!!

Copenhagen 0-2 Manchester United.

pic.twitter.com/5IOkHQ8oWc

— TTS. (@TransferSector) November 8, 2023

Сите возбудувања од првиот дел погледнете ги ТУКА