Член на „дрим-тимот“ ликува: Кога нема да направите ништо за групата, а си одите со златен медал (Фото)

Американскиот „дрим-тим“ ја оправда фаворитската улога и си заминува со она по кое дојде на Олимписките игри, односно со златниот медал од кошаркарскиот турнир.

НБА ѕвездите беа сериозно предизвикани во полуфиналето и финалето и мораа да го извадат најдоброто од себе, а тоа посебно важи за најголемите имиња како Стеф Кари, ЛеБрон Џејмс и Кевин Дурент.

Искусните ја преземаа одговорноста во критичните моменти и се погрижија за ново олимписко злато, кое овојпат замина и на градите на Тајрис Халибартон.

Членот на Индијана Пејсерс беше играчот кој доби убедливо најмала минутажа на олимпискиот турнир, па и самиот реши да ликува на уникатен начин, фаќајќи си сеир на самиот себе.

– Кога нема да направиш ништо за групата, но и покрај тоа добиваш злато, – порача Халибартон.

When you ain’t do nun on the group project and still get an A🏅 pic.twitter.com/xpshYZhMyA

— Tyrese Haliburton (@TyHaliburton22) August 10, 2024