Чичко Дончо се јави од Австралија и им испрати емотивна порака на новите македонски јунаци

Андон Дончвески е симбол за македонскиот фудбал и скопската гордост Вардар, но легедарниот чичко Дончо како голем спортски фан од далечна земја го испрати и последниот кошаркарски успех.

Македонските јуниори во неделата станаа европски шампиони во Б дивизијата и беа подобри од сите врсници со кои се соочија во Скопје, па после осум победи на осум натпревари, заслужено стигнаа до трофејот и пласман во А дивизијата.

Ова беше историски успех бидејќи за првпат една македонска кошаракарска селекција се стекна со епитетот на европски шампион, а хероите предводени од селекторот Горан Андреевски сега добија и емотивна порака од чичко Дончо, кој во моментов е во Австралија.

– Со голема радост во срцето прочитав за величествениот успех на младите Македонски лавови.Златниот тим, Европски младински шампиони, нашата горда иднина.

– Деца мои, храбри Македончиња: Нека ви е честита победата, златото е Ваше и наше. Ние Македонците од сиот свет, а посебно тука во далечната Австралија сме горди што ве имаме. Вие сте нашата надеж и чест. Златото го заслуживте со вашата храброст и огромниот труд, пожртвуваноста и големата борба. Битката е добиена, ви останува да се потврдите и понатаму. Вие и вашето водство можете и ќе покажете на сиот свет каде е, и која е Македонија.

– Продолжете ги стапките на сите македонски спортисти, во минатото и во сегашноста. Вие сте нашите нови Комити, нашата светла иднина. Благоданост до ВМРО и до Премиерот, до Македонската кошаркарска Федерација и до сите спортски работници за несебичната подршка на младите македонски лавови. Само храбро во натамошните битки и победи, – гласи пораката на Дончевски.