„Четворка“ на Димитриоски против Адемар Леон, Бенфика и Талески „летаат“ во Португалија

Валјадолид на Димитар Димитриоски и Мартин Карапалевски издвојува победа над Адемар Леон од 35:31 во првата лига на Шпанија.

По борбеното и израмнето прво полувреме кое гостите го добија со минимални 16:15, ситуацијата беше поинаква во вторите 30 минути во кои избраниците на Писонеро беа на повисоко ниво, одиграа пред се поефикасно во нападот и се изборија за шесто славје во натпреварувачката 2024/2025 во АСОБАЛ лигата.

Димитриоски имаше добар меч и даде четири погодоци, додека Карапалевски имаше еден неуспешен обид за гол.

Во Португалија пак Бенфика на Филип Талески дојде до четвртиот триумф во низа и тоа против Назаре. Фаворитот одигра колку што му беше потребно и славеше со 34:26.

Талески беше стрелец на еден гол. Следно за составот од Лисабон е соочувањето со АДЦ Бенавенте во Купот на Португалија.