„Четворка“ на Димитриевски против Адемар Леон

Екипата на Валјадолид на македонските интернационалци Дарко Димитриевски и Димитар Димитриоски одигра лошо второ полувреме против Адемар Леон и истото придонесе за пораз на ова гостување од 39-32 во претпоследното 32. коло во АСОБАЛ лигата.

Гостите беа рамноправни во првиот дел кој заврши со резултат 18-18, но по паузата не можеа да ги испратат домашните играчи кои беа уште поефикасни и со 21-14 на крајот се изборија за триумф од седум разлика, триумф број 14 во најсилниот шпански шампионат.

Димитриевски имаше учинок од 4 погодоци од 7 обиди, додека Димитриоски не се запиша во листата на стрелци (0/2). Победникот го имаше неверојатниот Мартинез со 15 голови.

Во последното коло избраниците на Писонеро ќе го пречекаат Гранолјерс.