Четири од четири за клубот од Бадалона: Димитријевиќ и Хувентуд ја средија и Венеција

Шпанскиот прволигаш Хувентуд ја продолжи победничката серија во Еврокупот, а нова негова жртва беше италијанскиот претставник Венеција кој вечерва падна во Бадалона со 92-78.

Гостите добро го отворија мечот и првата четвртина ја реализираа со 26-24, но останатите 30 минути минаа во знакот на домаќините кои беа најмногу расположени во третиот период кој го добија со 28-20 и со тоа си го отворија патот до посакуваниот резултат.

Шест играчи кај Хувентуд беа двоцифрени, а меѓу нив беше и нашиот репрезентативец Ненад Димитријевиќ кој за 19 минути на паркетот даде 14 поени со 2 скока и 1 асистенција.

Следното коло за Нено и другарите носи гостување во Русија кај Уникс Казан.