Четири нови позитивни случаи во српската ракометна репрезентација

Српската ракометна репрезентација се соочува со уште посериозни проблеми пред почетокот на Европското првенство.

Денеска, ракометниот сојуз на нашиот северен сосед објави четири дополнителни позитивни тестови, а во изолација одат Илија Абутовиќ, Драган Пешмалбек, Стеван Сретеновиќ и Немања Зеленовиќ.

Оваа четворка ќе се приклучи на уште неколку важни ракометари и дел од стручниот штаб предводен од селекторот Тони Џерона, кои исто така се во изолација и ќе бидат во трка со времето за настап на ЕП.

Ваквата ситуација ги натера Србите привремено да го прекинат тренажниот процес, се додека не биде направена нова стратегија со која ќе се намали ризикот од ширење на вирусот.

Србија е во група со Хрватска, Франција и Украина.