Свет
Червар излезе со чуден став откако го прашаа кој е најдобар ракометар: Меси е губитник, не е како Роналдо!
Лино Червар го подготвува хрватскиот национален тим за Светското ракометно првенство кое следи на стартот на новата година, но наспроти тоа, во интересното интервју за „24 сата“ говореше и за разновидни теми поврзани со ракометот, како што е и она поврзано за најдобриот играч во историјата на ракометот.
Искусниот Лино речиси цел живот му го посвети на ракометот и во својата блескава селекторска кариера имаше можност да соработува со многу големи имиња, но кога беше запрашан да издвои само еден играч, нагласи дека тоа е невозможно.
– Колку тешко прашање е ова. Ме прашувате да бирам меѓу оние кои ме однесоа мене и Хрватска на тронот, а тоа е огромна величина. Балиќ, Дувњак, Метличиќ, Џомба. Невозможно е да се избере, тоа е мојот став, – изјави Червар кој потоа отиде на светско ниво, при што направи и една чудна паралела со фудбалот со која ни откри дека нема голем респект за Лионел Меси.
– Ако се осврнеме на странските играчи, тогаш сигурно меѓу најголемите е Никола Карабатиќ. Не можам да кажам дека е најголем, но е во кругот на најголемите. Карабатиќ е вистински ас, она што на пример не е Лионел Меси. Меси е само медиумски ас, – порача Червар и се дообјасни.
– На пример, Марадона беше победник, исто како и Кристијано Роналдо, исто како Балиќ и Карабатиќ во ракометот. За мене, Меси не е во ова друштво. Со Барселона прими осум парчиња од Баерн, каде беше на тој натпревар? Мораше да преземе одговорност. Роналдо е победник, а Меси е губитник. Да беше толку голем, ќе ја освоеше светската титула со Аргентина. За мене Роналдо е поголем, секогаш дава голови кога треба, лидер е на теренот, вистински фудбалски ас за разлика од Меси, – заклучува Лино.
-
Италијапред 23 часа
Чалханоглу ги дочека своите моменти на слава и им се одмазди на тифозите на Милан (Фото)
-
АТПпред 18 часа
Ѓоковиќ за следната етапа во кариерата: Не знам дали ми е потребен тренер
-
Англијапред 20 часа
Тен Хаг: Коментарите за нашата победа над Ковентри се срамни!
-
НБАпред 18 часа
Еден од браќата на Јокиќ удри фан на трибините во арената на Денвер (Видео)
-
Италијапред 22 часа
Влаховиќ му се поклони на најпотценетиот напаѓач: Тој е фудбалски гигант
-
Англијапред 16 часа
Антони го објасни својот контроверзен потег на дуелот со Ковентри: Го бранев својот клуб
-
Англијапред 16 часа
Двајца премиерлигашки фудбалери уапсени за силување
-
Англијапред 15 часа
Аморим бил во Лондон, преговарал за преземање премиерлигашка екипа