Челси со половина сили го освои Копенхаген (Видео)

Енцо Мареска се уште тактизира во Конференциската лига и го користи ова натпреварување за да им даде шанса на млади играчи од Академијата, но и во таква ситуација, Челси до овој момент е пресилен за конкуренцијата.

Во осминафиналето кое вечерва се играше на „Паркен“, Копенхаген во најголем дел од мечот му парираше на англискиот премиерлигаш, но сепак Челси беше оној кој оствари рутинска победа.

Гостите поведоа со голот на Рис Џејмс на самиот старт на вториот дел, додека по една колективна дефанзивна грешка, гостите зголемија и на 0:2 со погодокот на Енцо Фернандез.

Копенхаген во завршницата се избори за гол преку Переира за 1:2, па со овој резултат Данците сега ќе патуваат во Лондон, каде Челси ќе има улогата на апсолутен фаворит.

Во раниот термин во Конференциската лига, Бетис ремизираше против Виторија Гимараеш со 2:2, Молде ја победи Легија со 3:2, а со истиот резултат Панатинаикос беше подобар од Фиорентина.

Головите од „Паркен“ погледнете ги ТУКА