Челси со „осумка“ на „Стемфорд Бриџ“, Бетис со многу мака до славје против Целје

Фудбалерите на Челси одиграа супер меч и славеа со неверојатни 8-0 во вечерашното соочување со Ноа во Конференциската лига на УЕФА.

Ноа е тимот кој ова лето и земе мерка на Шкендија, тим кој стигна далеку и игра во групната фаза на третото по ранг натпреварување на УЕФА, меѓутоа е далеку од квалитетот на „сините“ кои и со комбиниран тим го „масакрираа“ ерменскиот претставник.

Уште по првите 45 минути резултатот беше 6-0 со головите на Адарабијо, Гију, Дисаси, Мудрик и Феликс (2), шоу кое продолжи во вториот дел кога двоен стрелец беше Нкунку.

Бетис со многу мака го скрши отпорот на Целје (2-1) за прв триумф во КЛ. Хуанми погоди во 94 минута и ги разочара гостите од Словенија.

Дарко Чурлинов со Јагелонија славеше над Молде со 3-0.

What a night of Conference League football 🤩#UECL pic.twitter.com/CJX1NqfGpD

— UEFA Conference League (@europacnfleague) November 7, 2024