Челси се ослободува од едно од летните засилувања

Челси е вистински хит и во јануарскиот преоден рок откако успеа да обезбеди неколку засилувања кои треба да му помогнат на тимот да се врати во врвот на англискиот фудбал.

Новиот сопственик Тод Боли очигледно не жали пари за нови играчи, па досега инвестираше околу 550 милиони фунти за нови аквизиции, кои според досега виденото и не прикажаа баш многу.

Челси купи еден куп играчи, а меѓу нив беше и 20 годишниот Чезаре Касадеи кој на „Стемфорд Бриџ“ пристигна од Интер и кој се очекуваше да добива повремена минутажа во првиот тим.

Малкумина веруваа дека Касадеи ќе се избори за стандардно место во сениорите, но никој не очекуваше дека тој воопшто нема да заигра за првиот тим на Челси со оглед на тоа што веќе влегува во фудбалски години во кои мора да игра сениорски фудбал.

Токму затоа, на барање на играчот, тој ќе биде пуштен во друг клуб во овој преоден рок, но само како отстапен фудбалер.

Се верува дека Касадеи кариерата ќе ја продолжи во Рединг, а договорот треба да биде потпишан во следните 48 часа.