Челси понудил 40 милиони евра за млад шпански напаѓач

Актуелното раководство на Челси има многу поразлична трансфер стратегија и тешко е да се предвидат чекорите кои понекогаш носат и изненадувачки засилувања, а барем засега не носат позитивни резултати.

Според последните написи на медиумите од повеќе европски земји, Челси сега сака да го купи шпанскиот напаѓач Саму Омородион, кој во моментов настапува со својата репрезентација на ОИ во Париз.

Омородион е фудбалер на Атлетико Мадрид, но минатата сезона остави одличен впечаток како позајмен играч во редовите на Алавес, екипа за која постигна 9 гола на 36 настапи.

Челси инсистира на ангажирањето на 20-годишниот фудбалер и не само што не планира да штеди, туку на Атлетико му се понудени 40 милиони за овој фудбалер.

Двете екипи летово веќе реализираа еден трансфер, односно деновиве имаа успешни преговори за трансферот на Конор Галахер во редовите на Атлетико. Она што оди во прилог на Челси е фактот што Атлетико преговара за Хулијан Алварес од Манчестер Сити и ќе му биде потребна сериозна сума за да го доведе Аргентинецот во Мадрид.

Chelsea haven’t given up on Samu Omorodion, as previously reported. Samu focused on the Olympics, and Atletico Madrid have always wanted him to extend. But Chelsea are still trying for around €40m, the same ballpark as Conor Gallagher’s fee.🇪🇸

Two deals aren’t linked. If Atleti… pic.twitter.com/RoVyQmQAbr

— Ben Jacobs (@JacobsBen) August 5, 2024