Челси не застанува со шопингот: Премиерлигашот купи дефанзивец на Бока Јуниорс

Раководството на Челси и натаму ангажира нови фудбалери, а сега на ред дошол талентиран дефанзивец од Аргентина.

Се работи за 19-годишниот играч на Бока Јуниорс, Арон Анселмино, кој потпишал договор со премиерлигашот и ќе се обиде да изгради посакувана кариера во англискиот клуб.

Анселмино дебитирал во првиот тим на Бока пред само една година, има 10 настапи за аргентинскиот великан, но веќе стигнал до сума од 15,6 милиони фунти која Челси прифатил да ја плати за неговите услуги.

Договорот на двата клуба е дефанзивецот да остане уште една година во Бока и да настапува како позајмен играч, а со Челси потпишал седумгодишен договор.

Летово Челси потроши околу 115 милиони фунти и тоа за помлади фудбалери, а наскоро се очекува да биде потврден трансферот и на Саму Омородион од Атлетико Мадрид.