Челси не престанува со засилувања, до крајот на преодниот рок ќе притиска за десен бек

Челси не планира да застане и до крајот на преодниот рок ќе се обиде да ангажира уште некое ново име кое би пристигнало на „Стемфорд Бриџ“.

Последен од низата фудбалери кои се поврзуваат со клубот е Мало Густо од Лион, десен бек за кого францускиот клуб веќе одбил една понуда од тимот на Челси.

Според медиумите на Островото, раководството на Челси веќе ја изготвило и втората понуда и истата ќе биде испратена на адреса на Лион.

Според најавите, Челси ќе понуди помеѓу 30 и 40 милиони евра за да го натера Лион да се ослободи од нивниот играч.

Што се однесува до Мало Густо, тој веќе дал зелено светло и сакал да се пресели во клубот од Лондон, па трансферот би се реализирал доколку Лион се согласи за трансфер обесштетувањето кое го нудат „сините“.