Челси најде клуб за Кепа, пропадна заемот на Рамздејл во премиерлигашки ривал

Челси и Арсенал имаат вишок квалитетен голман во овој преоден рок, а се чини дека „топчиите“ и натаму ќе треба да бараат соодветно решение за својот проблем.

Арсенал беше во финални преговори со Вулверхемптон за заем на Арон Рамздејл, но трансферот пропаднал во последен момент и тоа поради несогласувања околу важен детаљ.

„Волците“ првично се согласиле на клаузула според која би го откупиле договорот на Рамздејл за 20 милиони фунти, но подоцна решиле дека не можат да си ја дозволат таа сума, па се повлекле од идејата да се засилат на голманската позиција со англискиот репрезентативец.

Челси нема вакви проблеми и ќе го испрати Кепа Аризабалага во редовите на Борнмут, екипа која интензивно бараше решение за голманската позиција во овој преоден рок.

Шпанецот истовремено го продолжил договорот со Челси до 2026 година, а со заемот во Борнмут ќе го намали бројот на играчи кои не се во плановите на менаџерот Енцо Мареска, а се на платниот список на лондонските „сини“.